निर्माण कम्पनीले समयमै काम सम्पन्न नगर्दा बैतडीका सडकको अवस्था दयनीय

बैतडी, साउन ३१। बैतडीका मुख्य सडक खण्डको मर्मतसम्भारको जिम्मा पाएका निर्माण कम्पनीले समयमै काम सम्पन्न नगर्दा सडकको अवस्था दयनीय बनेको छ। सडकमा परेका ठूला खाल्डाखुल्डीका कारण यात्रु तथा सवारी चालकले सास्ती व्यहोर्नुपरेको छ।

मर्मतसम्भारको म्याद गत आर्थिक वर्ष २०८२/८३ मै सकिए पनि निर्माण कम्पनीले काम पूरा नगरेपछि डिभिजन सडक कार्यालय पाटनले आर्थिक वर्ष २०८३/८४ सम्म म्याद थप गरेको कार्यालय प्रमुख किरण सुवेदीले बताउनुभयो।

जिल्लाका प्रमुख राजमार्ग तथा सहायक सडकमा खाल्डाखुल्डी पुर्ने, नाली निर्माण गर्ने र कालोपत्रे टाल्ने कामका लागि दुई निर्माण कम्पनीसँग ठेक्का सम्झौता गरिएको थियो। तर, ठेकेदारको ढिलासुस्तीका कारण सडकको अवस्थामा अपेक्षित सुधार आउन सकेको छैन। वर्षायाममा हिलो र हिउँदमा धुलोका कारण स्थानीय तथा यात्रुले समस्या भोग्दै आएका छन्। सडक मर्मतमा ढिलाइ हुँदा दुर्घटनाको जोखिमसमेत बढेको सवारी चालकहरूले बताएका छन्।

डिभिजन सडक कार्यालयका अनुसार थपिएको समयभित्र पनि काम सम्पन्न नगरे निर्माण कम्पनीलाई कानुनी कारबाही गरिनेछ। कार्यालयका अनुसार गत आर्थिक वर्षमा काम नगर्ने १३ वटा निर्माण कम्पनीको ठेक्का रद्द गरिएको थियो।
 

प्रतिकृया दिनुहोस

डडेल्धुरामा राष्ट्रिय कर दिवस मनाइयो, कर सप्ताह सुरु

डडेल्धुरा: राष्ट्रिय कर दिवसको अवसरमा डडेल्धुरामा विविध कार्यक्रम गरी कर सप्ताह सुरु गरिएको छ। आन्तरिक राजस्व कार्यालय डडेल्धुराको अगुवाइमा

२७ वर्षदेखि निःस्वार्थ सेवामा संगिता, पारिश्रमिकभन्दा ठूलो सेवाको सन्तुष्टि

डडेल्धुरा, कात्तिक २५ । डडेल्धुराको अमरगढी नगरपालिका–५ की संगिता नगरकोटीले महिला स्वास्थ्य स्वयंसेविकाका रूपमा काम गर्न थालेको २७ वर्ष बितिसकेको

स्थापना दिवसमा किसान सहकारीद्वारा डडेल्धुरा अस्पतालका बिरामीलाई फलफूल वितरण

डडेल्धुरा: किसान बहुउद्देश्यीय सहकारी संस्था लिमिटेड अमरगढी शाखाले आफ्नो स्थापना दिवसको अवसरमा डडेल्धुरा अस्पतालका बिरामीलाई फलफूल वितरण गरेको छ।

↑