बझाङको थलारामा बहुप्रकोप पूर्वसूचना प्रणाली जडान
बझाङ, साउन २३। बाढी, पहिरो, डुबानलगायतका विपद्बाट हुने जनधनको क्षति न्यूनीकरण गर्न बझाङको थलारा गाउँपालिकाले सेती नदीमा बहुप्रकोप पूर्वसूचना प्रणाली ‘मैना’ जडान गरेको छ । विपद्को उच्च जोखिममा रहेको थलाराले जडान गरेको यो प्रणालीले कुनै पनि दुर्घटना हुनु पूर्व सम्भावित जोखिमबारे स्थानीयलाई सूचित गर्ने र विपद्को जोखिमबाट बचाउने अपेक्षा गरिएको छ ।
थलारा गाउँपालिकाले पिपुल इन निड संस्थाको आर्थिक सहयोग लिएर यो विपद् पूर्वसूचना प्रणाली वडा–९ झ्यााबगरस्थित सेती नदी किनारमा जडान गरेको हो । यो गाउँ बाढी र पहिरोको उच्च जोखिममा रहेको छ । इनोभेटिभ इन्जिनियरिङ सर्भिसेस प्रालिले नेपालमै विकसित गरेको यो बहुप्रकोप पूर्वसूचना प्रणालीले बाढी, पहिरो, डुबान, हिमताल विस्फोट, वन डढेलो, औद्योगिक दुर्घटनालगायतका विपद्को जोखिमबारे समुदायलाई समयमै चेतावनी दिन सक्ने जनाइएको छ ।
प्राविधिक अनुज खनालका अनुसार प्रणालीमा बाढी तथा अन्य जोखिमको अवस्था मापन गर्ने सेन्सर जडान गरिएको छ । सेन्सरबाट प्राप्त वास्तविक समय (रियल टाइम) सूचनाका आधारमा जोखिमको अवस्था पहिचान गरी आवश्यक परे साइरन आफैं बज्ने व्यवस्था छ । उनका अनुसार यस प्रणालीबाट एसएमएस, इन्टरनेट, स्याटेलाइट नेटवर्क तथा वायरलेस रिमोट कन्ट्रोल मार्फत तत्काल चेतावनी सन्देश पठाउन सकिन्छ । स्थानीयलाई सहज रूपमा बुझाउन विभिन्न स्थानीय भाषामा पूर्वरेकर्ड गरिएका तथा प्रत्यक्ष आवाज सन्देश (भ्वाइस मेसेज) समेत प्रसारण गर्न सकिने व्यवस्था छ ।
ठूलो बाढी वा अत्यधिक वर्षा हुँदा सेन्सरले जोखिमको अवस्था पहिचान गरेपछि प्रणालीले स्वचालित रूपमा साइरन बजाएर आसपासका बस्तीलाई सतर्क गराउन सक्छ । यसले विशेषगरी रातको समयमा वा मानिसलाई विपद्को संकेत तत्काल थाहा नहुने अवस्थामा उपयोगी हुने अपेक्षा गरिएको छ ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणले गरेको अध्ययन अनुसार थलारा गाउँपालिका विपद्को उच्च जोखिममा छ । गत वर्ष प्राधिकरणले गरेको अध्ययनले बझाङको थलारा र केदारस्यूँ गाउँपालिकाका ६० वटा गाउँ पहिरो रहेको र पहिरोका कारण यहाँका १९०० परिवार उच्च जोखिममा रहेको पाएको थियो । पहिरोबाहेक यी दुई गाउँपालिकाका नदी तटमा रहेका थुप्रै गाउँ बाढीको पनि उच्च जोखिममा छन् । २०५८ सालयता आएका बाढीले निरन्तर कटान गर्दा यी दुई पालिकाका १६ वटा भन्दा बढी बस्ती जोखिममा परेको जिल्ला विपद् व्यवस्थापन समितिको तथ्यांक छ ।
आयकर दाखिलामा उत्कृष्ट निसर्ग अस्पताल, अध्यक्ष तीर्थराज पन्त सम्मानित
धनगढी, मंसिर १ । आर्थिक वर्ष २०८१–०८२ मा सबैभन्दा बढी आयकर दाखिला गर्ने करदातामध्ये पर्न सफल निसर्ग अस्पताल एण्ड रिसर्च सेन्टर प्रालिसम्मानित भएको
डडेल्धुरामा राष्ट्रिय कर दिवस मनाइयो, कर सप्ताह सुरु
डडेल्धुरा, मंसिर १ । राष्ट्रिय कर दिवसको अवसरमा डडेल्धुरामा विविध कार्यक्रम गरी कर सप्ताह सुरु गरिएको छ। आन्तरिक राजस्व कार्यालय डडेल्धुराको
डडेल्धुराको उग्रतारा मन्दिरमा ८ गते ‘देहीजाँत’ मेला लाग्ने
डडेल्धुरा, कात्तिक ३० । सुदूरपश्चिम प्रदेशकै प्रसिद्ध धार्मिक शक्तिपीठ डडेल्धुरास्थित उग्रतारा भगवती मन्दिरमा मंसिर ८ गते देहीजाँत मेला लाग्ने










प्रतिकृया दिनुहोस