डडेल्धुरामा जिल्ला स्तरीय खुला पुरुष भलिबल प्रतियोगिता हुने

डडेल्धुरा, असोज १७ । डडेल्धुराको नवदुर्गा गाउँपालिका–१ कोटेलीमा बडादशैंको पूर्वसन्ध्यामा जिल्ला स्तरीय खुला पुरुष भलिबल प्रतियोगिता आयोजना हुने भएको छ। नवदुर्गा गाउँपालिका–१ कोटेलीस्थित भूमिराज युवा क्लब ओलीगाउँको आयोजनामा प्रतियोगिता हुन लागेको हो।

आयोजकका अनुसार प्रतियोगिता असोज २४ र २५ गते कोटेलीस्थित चोरा खेलकुद मैदानमा सञ्चालन हुनेछ। प्रतियोगितामा सहभागी हुन इच्छुक टिम तथा खेलाडीले असोज २३ गते बेलुका ५ बजेसम्म टिम दर्ता गरिसक्नुपर्नेछ। 

प्रतियोगितामा प्रथम हुने टिमले ५५ हजार ५ सय ५५ रुपैयाँसहित प्रमाणपत्र र मेडल, द्वितीय हुनेले ३३ हजार ३ सय ३३ रुपैयाँसहित प्रमाणपत्र र मेडल तथा तृतीय हुने टिमले ११ हजार १ सय ११ रुपैयाँसहित प्रमाणपत्र र मेडल प्राप्त गर्ने आयोजकले जनाएको छ।

प्रतियोगितामा सहभागी खेलाडीले आफ्नो व्यक्तिगत परिचय खुल्ने कागजात अनिवार्य रूपमा पेश गर्नुपर्ने, खेलका नियम पालना गर्नुपर्ने तथा खाना र बस्ने व्यवस्था सम्बन्धित टिमले स्वयं गर्नुपर्ने जनाइएको छ। खेलमा रेफ्रीको निर्णय अन्तिम हुने र अनुशासन उल्लङ्घन गर्ने खेलाडीलाई आयोजकले निष्कासन गर्न सक्ने व्यवस्था गरिएको छ।

आयोजकले जिल्ला भरिका इच्छुक पुरुष भलिबल टिम तथा खेलाडीलाई प्रतियोगितामा सहभागी हुन आग्रह गरेको छ। 
 

प्रतिकृया दिनुहोस

१०औँ राष्ट्रिय खेलकुदका लागि डडेल्धुरामा भलिबल खेलाडी छनोट हुँदै

डडेल्धुरा:१०औँ राष्ट्रिय खेलकुद प्रतियोगिताका लागि सुदूरपश्चिम प्रदेशको भलिबल टोली छनोट गर्न डडेल्धुरामा प्रदेशस्तरीय महिला तथा पुरुष भलिबल

१०औँ राष्ट्रिय खेलकुदका लागि डडेल्धुरामा छनोट प्रतियोगिता सुरु

डडेल्धुरा, कार्तिक १४। १०औँ राष्ट्रिय खेलकुद प्रतियोगिताका लागि डडेल्धुरामा जिल्ला छनोट प्रतियोगिता सुरु भएको छ। आगामी मंसिर १६ देखि २७ गतेसम्म

सुदूरपश्चिम रोयल्समा भित्रिए वेस्ट इन्डिजका आक्रामक ब्याटर शेरफन

अत्तरिया, कार्तिक ७ । नेपाल प्रिमियर लिग एनपीएलको तेस्रो संस्करणका लागि सुदूरपश्चिम रोयल्सले वेस्ट इन्डिजका आक्रामक ब्याटर शेरफन रदरफोर्डलाई

↑