Radio Amargadhi

सुदूरपश्चिममा मन्त्रिपरिषद्ले पायो पूर्णता

धनगढी, भाद्र ५। सुदूरपश्चिमका मुख्यमन्त्री खगराज भट्टले मन्त्रिपरिषद्‌लाई पूर्णता दिएका छन् । शुक्रबार राति दुई राज्यमन्त्रीसहित पाँच जना मन्त्री नियुक्त गरेसँगै मन्त्रिपरिषद्ले पूर्णता पाएको हो ।

मुख्यमन्त्रीले नेकपाका सांसदहरु ओमबिक्रम भाटलाई भौतिक पूर्वाधार, प्रकाशबहादुर रावललाई उद्योग, पर्यटन, वन तथा वातावरणमन्त्री, खुसीराम चौधरी आन्तरिक मामिलामन्त्री नियुक्त गरेका हुन् । साथै नेकपाकै जानकी कुँवर भौतिक पूर्वाधार र इन्दिरा गिरी उद्योग पर्यटन वन तथा वातावरण मन्त्रालयमा राज्यमन्त्री नियुक्त भएका छन्।

यसअघि मुख्यमन्त्री भट्टले आफ्नो शपथसँगै एमालेबाट एक जना राज्यमन्त्रीसहित चार जना मन्त्री नियुक्त गरेका थिए । यससँगै अब सुदूरपश्चिममा मुख्यमन्त्री, तीन राज्यमन्त्रीसहित १० जना मन्त्री भएका छन् ।

शुक्रबार नवनियुक्त मन्त्री, राज्यमन्त्रीहरुले प्रदेश प्रमुख प्रदेशमा शुक्रबार राति नै शपथ लिएका छन् ।