वर्षौँदेखि अनिश्चित बनेको बूढीगंगा आयोजनामा निर्माण तयारी तीव्र
अछाम, साउन २३। तीन पटकसम्म ठेक्का प्रक्रिया रद्द भएर वर्षौँदेखि अनिश्चित बनेको २० मेगावाट क्षमताको बूढीगंगा जलविद्युत् आयोजना अन्ततः निर्माण प्रक्रियामा गएसँगै अछामको साँफेबगर क्षेत्रमा यसको चहलपहल बढेको छ ।
०८२ भदौ २९ गते ईपीसी (इन्जिनियरिङ, प्रोक्योरमेन्ट र कन्स्ट्रक्सन) मोडेलमा चिनियाँ कम्पनी सुपर पावर इन्जिनियरिङ कन्स्ट्रक्सन र नेपाली कम्पनी बानियाँ निर्माण सेवा प्रालि (मकवानपुर) बीच ठेक्का सम्झौता भएपछि अहिले आयोजनास्थलमा भौतिक निर्माणको पूर्व तयारी र प्रशासनिक कामले तीव्रता पाएका छन् ।
४२ महिनाभित्र आयोजना सम्पन्न गर्ने लक्ष्यसहित निर्माण कम्पनीले प्राविधिक टोली र आवश्यक जनशक्तिलाई फिल्डमा परिचालन गरिसकेको छ । लामो समयको प्रतीक्षापछि सुरु भएको यस आयोजनालाई तोकिएको समयमै सम्पन्न गर्नका लागि हाल मुख्य संरचनाअन्तर्गत बाँध निर्माण क्षेत्र (हेडवर्क) मा प्रारम्भिक कार्यहरू अगाडि बढिसकेका छन् । आयोजनाको विस्तृत इन्जिनियरिङ डिजाइन स्वीकृतिको प्रक्रियालाई समेत सँगसँगै अगाडि बढाइएको छ । जसले गर्दा डिजाइन स्वीकृत हुनासाथ मुख्य निर्माण कार्य पूर्ण क्षमतामा अघि बढ्न सक्ने बूढीगंगा जलविद्युत् आयोजना प्रमुख सुरेन्द्र घिमिरेले बताए । उनका अनुसार आयोजनाको समग्र रूपरेखा (ले–आउट) को डिजाइन फाइनल भइसकेको छ ।
आयोजनाको सुरुङ मार्ग निर्माण तथा अन्य पहाडी भूभाग कटानका लागि आवश्यक पर्ने ब्लास्टिङ सामग्री खरिदको प्रक्रिया पनि अगाडि बढिसकेको आयोजना प्रमुख घिमिरेले बताए । उनका अनुसार आयोजनास्थलमा सुरक्षा र ब्लास्टिङ सामग्रीको रेखदेखका लागि नेपाली सेनाको क्याम्प पूर्ण रूपमा तयारी अवस्थामा राखिएको छ । इकान्तिपुरबाट
आयकर दाखिलामा उत्कृष्ट निसर्ग अस्पताल, अध्यक्ष तीर्थराज पन्त सम्मानित
धनगढी, मंसिर १ । आर्थिक वर्ष २०८१–०८२ मा सबैभन्दा बढी आयकर दाखिला गर्ने करदातामध्ये पर्न सफल निसर्ग अस्पताल एण्ड रिसर्च सेन्टर प्रालिसम्मानित भएको
डडेल्धुरामा राष्ट्रिय कर दिवस मनाइयो, कर सप्ताह सुरु
डडेल्धुरा, मंसिर १ । राष्ट्रिय कर दिवसको अवसरमा डडेल्धुरामा विविध कार्यक्रम गरी कर सप्ताह सुरु गरिएको छ। आन्तरिक राजस्व कार्यालय डडेल्धुराको
डडेल्धुराको उग्रतारा मन्दिरमा ८ गते ‘देहीजाँत’ मेला लाग्ने
डडेल्धुरा, कात्तिक ३० । सुदूरपश्चिम प्रदेशकै प्रसिद्ध धार्मिक शक्तिपीठ डडेल्धुरास्थित उग्रतारा भगवती मन्दिरमा मंसिर ८ गते देहीजाँत मेला लाग्ने










प्रतिकृया दिनुहोस