धनगढीमा आधुनिक फोहोरमैला व्यवस्थापन केन्द्र निर्माण अन्तिम चरणमा
धनगढी, साउन १९। कैलालीको धनगढीमा आधुनिक फोहोरमैला व्यवस्थापन केन्द्र निर्माण अन्तिम चरणमा पुगेको छ । दैनिक २२ टन फोहोर व्यवस्थापन गर्न सकिने एकीकृत फोहोरमैला व्यवस्थापन केन्द्रको काम अन्तिम चरणमा पुगेको हो । धनगढी उपमहानगरपालिका–७ स्थित पटेला सामुदायिक वनक्षेत्रको २२ हेक्टर जमिनमा यो केन्द्र निर्माण भइरहेको छ । फोहोरमैला व्यवस्थापन केन्द्र निर्माणको भौतिक प्रगति ९२ प्रतिशत पुगेको इन्जिनियर अशोक पाण्डेयले जानकारी दिनुभयो ।
उहाँका अनुसार अब डेढ प्रतिशत जति तटबन्धन निर्माण, पाँच प्रतिशत ट्रस लगाउने र फोहोर बोक्ने गाडी खरिद बाँकी रहेको छ । बाँकी रहेको आठ प्रतिशत काम तीन महिनाभित्रै पूरा हुने उहाँले बताउनुभयो । क्षेत्रीय सहरी विकास आयोजना अन्तर्गत एसियाली विकास बैङ्क (एडिबी) को सहयोगमा बनिरहेको फोहोरमैला व्यवस्थापन केन्द्र निर्माणका लागि दुई हजार ६०३ रुख काटिएको थियो ।
चीनको सिचुवान प्रोभिन्स जियोलोजिकल इन्जिनियरिङ कम्प्लेक्सले करिब ९६ करोड रुपियाँ लागतमा फोहोरमैला व्यवस्थापन केन्द्र निर्माण गरिरहेको छ । २०२४ अप्रिलमा ठेक्का भई फोहोरमैला व्यवस्थापन केन्द्र निर्माण सुरु गरिएको थियो । २०२६ अप्रिलसम्म निर्माण समायवधि तोकिए पनि थप कामको भेरिएसन प्रमाणीकरण भएपछि छ महिना म्याद थप गरिएको छ । अक्टोबरसम्म निर्माण समायवधि रहेको इन्जिनियर पाण्डेले उल्लेख गर्नुभयो ।
फोहोरमैला व्यवस्थापन केन्द्रमा पुनः प्रयोग हुने, कुहिने र प्रयोगहीन (नकुहिने न बिक्री हुने) गरेर तीन तरिकाले फोहोर छुट्याएर व्यवस्थापन गरिने जनाइएको छ । दिसाजन्य फोहोरलाई छुट्टै रहेको सक्सेन मेसिनमा व्यवस्थापन गर्ने बताइएको छ । त्यसलाई ३० दिनसम्म त्यहाँ राखेर छुट्टिएको ठोसलाई मलका रूपमा प्रयोग गर्न सकिने जनाइएको छ । दिसाजन्य फोहोर प्रत्येक दिन २८ घनमिटर व्यवस्थापन गर्न सकिने जानकारी दिइएको छ ।
यस्तै उपयोगहीन फोहोरलाई सेलमा व्यवस्थापन गर्दै प्रत्येक दिन निश्चित तह बनाउने र माटोले पुर्ने काम हुने जनाइएको छ । काम नलाग्ने फोहोर व्यवस्थापनका लागि छ वटा सेल निर्माण गरिएको छ । कुहिने, नकुहिने फोहोरमैला व्यवस्थापनबाट निस्केको तरल पदार्थलाई प्रशोधन गर्ने र जलीय जीवलाई असर नगर्ने बनाएर खुटिया नदीमा फाल्ने जनाइएको छ । बायोकेमिकल अक्सिजन डिमान्ड (बिओडी), केमिकल अक्सिजन डिमान्ड (सिओडी) र पिएच जाँच गरेर जलीय जीवलाई असर नगर्ने प्रमाणित गरेर मात्रै नदीमा तरल फालिने निर्माण कम्पनीको जिकिर छ । तरल प्रशोधनका लागि २८ घनमिटरको पोखरी निर्माण गरिएको छ ।
फोहोरमैला व्यवस्थापन केन्द्रका कारण दुर्गन्ध नहुने र आसपासका बस्तीलाई कुनै पनि असर नगर्ने जनाइएको छ । पाण्डेयका अनुसार यो फोहोरमैला व्यवस्थापन केन्द्रले ३० वर्षसम्म धान्ने छ । ३० वर्षसम्म फोहोरमैला व्यवस्थापन गर्दा त्यहाँ अग्लो डाँडा बन्ने जनाइएको छ । त्यसपछि उक्त स्थानमा वृक्षरोपण गरेर पुनः जङ्गल वा चिल्ड्रेन पार्क बनाउन सकिने इन्जिनियर पाण्डेयले बताउनुभयो । निर्माण कम्पनीले फोहोरमैला व्यवस्थापन केन्द्र निर्माण गरी तीन वर्षसम्म आफैँले सञ्चालन गरेर मात्रै धनगढी उपमहानगरपालिकालाई हस्तान्तरण गर्ने जनाइएको छ ।
आयकर दाखिलामा उत्कृष्ट निसर्ग अस्पताल, अध्यक्ष तीर्थराज पन्त सम्मानित
धनगढी, मंसिर १ । आर्थिक वर्ष २०८१–०८२ मा सबैभन्दा बढी आयकर दाखिला गर्ने करदातामध्ये पर्न सफल निसर्ग अस्पताल एण्ड रिसर्च सेन्टर प्रालिसम्मानित भएको
डडेल्धुरामा राष्ट्रिय कर दिवस मनाइयो, कर सप्ताह सुरु
डडेल्धुरा, मंसिर १ । राष्ट्रिय कर दिवसको अवसरमा डडेल्धुरामा विविध कार्यक्रम गरी कर सप्ताह सुरु गरिएको छ। आन्तरिक राजस्व कार्यालय डडेल्धुराको
डडेल्धुराको उग्रतारा मन्दिरमा ८ गते ‘देहीजाँत’ मेला लाग्ने
डडेल्धुरा, कात्तिक ३० । सुदूरपश्चिम प्रदेशकै प्रसिद्ध धार्मिक शक्तिपीठ डडेल्धुरास्थित उग्रतारा भगवती मन्दिरमा मंसिर ८ गते देहीजाँत मेला लाग्ने










प्रतिकृया दिनुहोस