काठमाडौँ, असोज ९। प्रधानमन्त्री वालेन्द्र शाहले जलवायु परिवर्तनका कारण हिमाली क्षेत्रमा बढ्दै गएको जोखिमलाई विश्व समुदायले गम्भीरतापूर्वक लिनुपर्ने बताउनुभएको छ । संयुक्त राष्ट्रसंघको ८१औँ महासभालाई सम्बोधन गर्दै प्रधानमन्त्री शाहले नेपालमा हालै आएको भोटेकोसी–त्रिशूली विपद्लाई जलवायु संकटका कारण उत्पन्न हुनसक्ने जोखिमको उदाहरणका रूपमा प्रस्तुत गर्नुभएको हो ।

उहाँले बाढी र पहिरोका कारण परिवारका सदस्य गुमाएका, आफन्तको खोजीमा रहेका तथा घर, सडक, पुल र जीविकोपार्जन गुमाएका नेपालीहरूको अवस्थाबारे महासभामा जानकारी गराउनुभएको छ । प्रधानमन्त्री शाहले केही मिनेटमै ठूलो जनधनको क्षति हुने गरी आएको विपद्ले नेपालमा भएको विकासको गति प्रभावित बनाएको बताउनुभयो । उहाँले भोटेकोसी–त्रिशूली क्षेत्रमा भएको विनाशलाई स्थानीय घटनाका रूपमा मात्र नहेरी हिमालय र समग्र विश्वका लागि चेतावनीका रूपमा बुझ्नुपर्नेमा जोड दिनुभयो ।

जलवायु परिवर्तनले हिमालयको पारिस्थितिक प्रणालीमा पारिरहेको प्रभावबारे वैज्ञानिकहरूले लामो समयदेखि चेतावनी दिँदै आएको उल्लेख गर्दै प्रधानमन्त्री शाहले राजनीतिक नेतृत्वले ती चेतावनीअनुसार पर्याप्त गति र स्तरमा काम गर्नुपर्ने बताउनुभयो । उहाँले हिमनदी पग्लने क्रम, स्थायी तुषारो कमजोर हुने तथा हिमाली क्षेत्रमा बरफ र चट्टानका पहिरोको जोखिम बढ्दै गएको बताउनुभयो ।

प्रधानमन्त्री शाहले हिमालयमा देखिएका यस्ता परिवर्तन नेपाल एक्लैको समस्या नभएको भन्दै जोखिम न्यूनीकरण, जलवायु अनुकूलन र विश्वव्यापी सहकार्यलाई थप प्रभावकारी बनाउन अन्तर्राष्ट्रिय समुदायको ध्यानाकर्षण गराउनुभएको छ ।
  

जापानमा १०० वर्षमाथि उमेरका नागरिकको संख्या एक लाखभन्दा बढी

सन् १९६३ मा उमेर १०० वर्ष वा त्यसभन्दा बढी भएका मानिसको तथ्यांक राख्न सुरु गर्दा जापानमा त्यस्ता मानिसको संख्या १५३ थियो। अहिले यो संख्या बढेर १ लाख ७

भारतमा महिलाको पेटबाट १३ वटा कलम, ५ वटा चम्चा र मैनबत्ती निकालियो

भारतको आन्ध्र प्रदेशमा डाक्टरले एक महिलाको पेटबाट १३ वटा कलम, ५ वटा चम्चा र एउटा मैनबत्ती निकालेका छन् । तीमध्ये एउटा कमल २५ सेन्टिमिटर लामो थियो

इन्डोनेशियामा विद्यालयको निःशुल्क खाना खाएपछि झन्डै २ हजार जना बिरामी

इन्डोनेशियाभरि पछिल्ला तीन दिनमा सरकारको निःशुल्क विद्यालय दिवा खाजा कार्यक्रमसँग सम्बन्धित ‘फुड पोइजनिङ’ अर्थात् खाद्य विषाक्तताका कारण