Radio Amargadhi

अमरगढीमा प्रथम नगरस्तरीय जुनियर कराते च्याम्पियनसिप सुरु

डडेल्धुरा, असोज २४ । अमरगढी नगरपालिकाको आयोजनामा प्रथम नगरस्तरीय जुनियर कराते च्याम्पियनसिप प्रतियोगिता सुरु भएको छ। शनिबार एक कार्यक्रमका बीच अमरगढी नगरपालिकाका नगर प्रमुख डिल्ली राज जोशीले प्रतियोगिताको शुभारम्भ गर्नुभएको हो।

जिल्ला खेलकुद समिति कभर्डहल डडेल्धुरामा सञ्चालन भइरहेको प्रतियोगिता भोलिसम्म चल्नेछ। नगरस्तरमा कराते खेलको विकास गर्ने, बालबालिका तथा युवामा खेलकुदप्रति रुचि बढाउने र नयाँ खेल प्रतिभाको पहिचान गर्ने उद्देश्यले प्रतियोगिता आयोजना गरिएको हो।

प्रतियोगिताले खेलाडीको क्षमता अभिवृद्धि गर्नुका साथै अनुशासन, आत्मविश्वास र खेल भावनाको विकासमा सहयोग पुग्ने अपेक्षा गरिएको छ।