डडेल्धुरा, असोज २४ । दसैँ, तिहारजस्ता ठूला चाडपर्वमा समेत डडेल्धुराका व्यापारीले व्यापारमा अपेक्षाअनुसार सुधार आउन नसकेको बताएका छन्। चाडपर्वलाई लक्षित गरी सामानको व्यवस्था गरे पनि ग्राहकको चहलपहल र बिक्री बढ्न नसकेको उनीहरूको भनाइ छ।

कपडा व्यवसायी अञ्जु गैरेले चाडपर्वको समयमा व्यापार बढ्ने अपेक्षा गरिए पनि कारोबार सन्तोषजनक नरहेको बताउनुभयो।

त्यस्तै, अर्की कपडा व्यवसायी द्रोपती चौधरीले पनि विगतका वर्षको तुलनामा यसपटक चाडपर्वमा कपडाको व्यापार अपेक्षाअनुसार हुन नसकेको बताउनुभयो।

कपडा व्यवसायमा मात्रै नभई सुनचाँदीको कारोबारमा समेत सुधार आउन नसकेको व्यापारीहरूको भनाइ छ। सुनचाँदी व्यवसायी प्रविन पौडेलले चाडपर्वका बेला गरगहनाको माग बढ्ने अपेक्षा गरिए पनि कारोबार उत्साहजनक नरहेको बताउनुभयो।

चाडपर्वको समयमा व्यापार बढ्ने आशा राखेका व्यापारीहरू यसपटक भने निराश देखिएका छन्। बजारमा व्यापार सुस्त हुँदा चाडपर्वको बाँकी अवधिमा कारोबार बढ्ने अपेक्षामा व्यापारीहरू रहेका छन्।
 

अमरगढीमा प्रथम नगरस्तरीय जुनियर कराते च्याम्पियनसिप सुरु

डडेल्धुरा, असोज २४ । अमरगढी नगरपालिकाको आयोजनामा प्रथम नगरस्तरीय जुनियर कराते च्याम्पियनसिप प्रतियोगिता सुरु भएको छ। शनिबार एक कार्यक्रमका बीच

विपद् प्रतिकार्यका लागि अस्ट्रेलियाबाट थप १५ मिलियन डलर सहायता

काठमाडौं, असोज २४ । रसुवा बाढीपछिको अवस्थामा राहत र पुर्नस्थापनाका लागि अस्ट्रेलियाबाट थप १५ मिलियन डलर सहायता प्राप्त हुने भएको छ । परराष्ट्र

महाकाली नदीमा तार तान्ने क्रममा सशस्त्र प्रहरीका असई बेपत्ता

कञ्चनपुर, असोज २४ । कञ्चनपुरको महाकाली नदीमा नेपाल टेलिकमको तार तान्ने क्रममा सशस्त्र प्रहरी बलका एक जना सहायक प्रहरी निरीक्षक (असई) बेपत्ता भएका छन् ।