बाजुरा, असोज १७ । विजयादशमी, शुभ दीपावली तथा छठपर्वलाई लक्षित गर्दै जिल्ला ट्राफिक प्रहरी कार्यालय बाजुराले यात्रु सहायता कक्ष सञ्चालनमा ल्याएको छ ।

जिल्ला प्रहरी कार्यालय बाजुराले चाडपर्वका बेला जिल्लाभित्र तथा बाहिर आवतजावत गर्ने यात्रुलाई सहज, सुरक्षित र व्यवस्थित यात्रा गराउने उद्देश्यले सहायता कक्ष सञ्चालनमा ल्याइएको हो । सहायता कक्षको जिल्ला प्रहरी कार्यालय बाजुराका प्रमुख तथा प्रहरी नायव उपरीक्षक (डीएसपी) शैलेश्वरी बोहराले एक कार्यक्रमका बिच उद्घाटन गरेकी छन् । सहायता कक्षमार्फत चाडपर्वको समयमा यात्रु तथा सर्वसाधारणलाई आवश्यक सूचना तथा सहयोग उपलब्ध गराइने उनले बताएकी छन् ।

डीएसपी बोहराका अनुसार चाडपर्वको समयमा सार्वजनिक तथा निजी सवारीसाधनमा यात्रुको चाप बढ्ने भएकाले यात्रुहरूको सुरक्षा र यातायात व्यवस्थापनलाई प्राथमिकतामा राखिएको बताएकी छन । उद्धघाटन कार्यक्रममा सहभागी चालक सहचालक र यात्रुहरुलाइ यात्राका क्रममा कुनै समस्या, दुर्घटना, सवारीसाधनको अनियमितता, भाडा असुली वा अन्य गुनासो भएमा सहायता कक्ष तथा नजिकैको प्रहरीलाई जानकारी गराउन सकिने उनले बताइन् ।

चाडपर्वका बेला सवारीसाधनको चाप बढ्नुका साथै लामो दूरीका यात्रामा जोखिमसमेत बढ्ने भएकाले प्रहरीले सवारीसाधनको अवस्था, चालकको अवस्था, क्षमताभन्दा बढी यात्रु बोक्ने तथा तीव्र गतिमा सवारी चलाउने कार्यमाथि निगरानी बढाउने जनाएको छ ।
 

धौलीगङ्गाको बाँध पुनः खोलिँदै, महाकाली तटीय क्षेत्रमा सतर्कता अपनाउन आग्रह

डडेल्धुरा, असोज १७ । भारतको उत्तराखण्ड प्रदेशको पिढौरागढस्थित धौलीगङ्गा जलविद्युत् परियोजनाको बाँध पुनः खोलिने भएको छ । एनएचपीसी लिमिटेड,

सुदूरपश्चिम र कर्णालीसहित पश्चिमी भूभागबाट मनसुन बाहिरियो

काठमाण्डौ, असोज १७ । यस वर्षको मनसुन नेपालबाट बाहिरिन शुरू भएको छ । जल तथा मौसम विज्ञान विभागका अनुसार सुदूरपश्चिम र कर्णाली प्रदेशका सबै भूभागका साथै

बैतडीको सुर्नयाका शिक्षकले गरे चरणबद्ध संघर्षका कार्यक्रम घोषणा

बैतडी, असोज १७ । बैतडीको सुर्नया गाउँपालिकामा कार्यरत अनुदानका शिक्षक तथा बालविकास सहजकर्ताहरूले आफ्ना माग सम्बोधन गर्न माग गरेका छन्। शिक्षक एकता