काठमाण्डौ, कात्तिक १२ । नेपालमा हरेक वर्ष ५० हजारभन्दा धेरै मानिस मस्तिष्कघात अर्थात ‘स्ट्रोक’ बाट प्रभावित हुने गरेका छन् ।

विश्व मस्तिष्कघात दिवसका अवसरमा नेपाल पक्षघात सङ्घका निवर्तमान अध्यक्ष डा। राजु पौडेलले नेपालमा हरेक १० मिनेटमा एक जनामा मस्तिष्कघात हुने गरेको तथ्य जानकारी गराउनुभएको हो । मस्तिष्कघात भएकामध्ये १५ देखि २० प्रतिशतले अकालमा ज्यान गुमाउने गरेका छन् ।

डा। पौडेलका अनुसार मस्तिष्कको कुनै भागमा रक्तसञ्चार अवरुद्ध भई अक्सिजन र पोषक तत्त्वको कमी हुँदा मस्तिष्कघात हुने गर्छ ।

उच्च रक्तचाप, मधुमेह, मोटोपन, धूम्रपान, निष्क्रिय जीवनशैली र असन्तुलित खानपान मस्तिष्कघातका मुख्य कारण हुन् ।

सन्तुलन गुम्नु, अनुहार बाङ्गो हुनु, बोली लरबराउनु, आँखाको ज्योति अचानक गुम्नु र हातखुट्टा लुलो हुनु यसका प्रमुख लक्षण हुन् । यस्ता लक्षण देखिएमा चार घण्टाभित्रै अस्पताल पुर्‍याउन सके बिरामीको प्रभावकारी उपचार सम्भव हुने चिकित्सकहरूको भनाइ छ ।

विश्वभर हरेक वर्ष १ करोड २० लाख मानिस मस्तिष्कघातबाट प्रभावित हुने गरेका छन् । नेपालजस्ता विकासोन्मुख देशमा यसको जोखिम उच्च रहेकाले सरकारले यसको रोकथाम र उपचारमा विशेष ध्यान दिनुपर्ने हुन्छ । रासस

चाडपर्वको बिदामा बालबालिकाको दैनिकी फेरिँदै, मोबाइलमा बढ्दै आकर्षण

डडेल्धुरा, कात्तिक १२ । दसैँ–तिहारका कारण विद्यालय बन्द भएपछि बालबालिकाको दैनिक जीवनशैली फेरिएको छ। नियमित पढाइमा व्यस्त रहने बालबालिका यतिबेला

शनिबारसम्म वर्षा र हिमपातको सम्भावना : धान नकाट्न अनि लामो दूरीको यात्रा नगर्न सल्लाह

काठमाण्डौ, कात्तिक ११ । बंगालको खाडीमा विकसित ‘अर्नब’ चक्रवातको प्रभाव आजदेखि नै देखिने भएको छ । नेपालमा यसको प्रभावले आजदेखि मौसम बदली हुन

डडेल्धुरामा २३ हेक्टर क्षेत्रफलमा किभि खेती विस्तार

डडेल्धुरा, कात्तिक ११ । महाभारत पर्वत क्षेत्रमा किभि खेती विस्तार हुँदै गएको छ । स्याउ उत्पादन घट्दै गएपछि किसान किभि खेतीतर्फ आकर्षित भएका हुन् ।