डडेल्धुरा : नेपाल विद्युत प्राधिकरण डडेल्धुरा वितरण केन्द्रको आयोजनामा जिल्लाका विभिन्न विद्यालयमा विद्युतीय सुरक्षा सचेतना कार्यक्रम सम्पन्न भएको छ।

अमरगढी नगरपालिका–२ स्थित बैजनाथ माध्यमिक विद्यालयल मौरोडा र महेन्द्र माध्यमिक विद्यालयमा सञ्चालन गरिएको कार्यक्रममा विद्यार्थीलाई विद्युतको सुरक्षित प्रयोग, विद्युतजन्य दुर्घटनाबाट बच्ने उपाय तथा विद्युतीय उपकरण प्रयोग गर्दा अपनाउनुपर्ने सावधानीका विषयमा जानकारी गराइएको थियो।

विद्यालयको समन्वयमा सञ्चालन गरिएको कार्यक्रममा नेपाल विद्युत प्राधिकरण डडेल्धुरा वितरण केन्द्रका प्रमुख कपिल जोशीले विद्यार्थीलाई विद्युतीय सुरक्षासम्बन्धी प्रशिक्षण दिनुभएको थियो। उहाँले विद्युतको प्रयोगमा सामान्य असावधानीले पनि गम्भीर दुर्घटना निम्त्याउन सक्ने भएकाले बालबालिका तथा विद्यार्थीले विशेष सावधानी अपनाउनुपर्ने बताउनुभयो।

कार्यक्रममा विद्युतका तार, पोल तथा विद्युतीय उपकरण नछुने, भिजेको हातले विद्युतीय उपकरण नचलाउने, विद्युत चुहावट वा तार चुँडिएको अवस्थामा नजिक नजाने तथा त्यस्ता समस्या देखिएमा सम्बन्धित निकायलाई तत्काल जानकारी गराउने विषयमा प्रशिक्षण दिइएको थियो।

विद्यार्थीमार्फत घरपरिवार तथा समुदायमा समेत विद्युतीय सुरक्षासम्बन्धी सन्देश पु¥याउने उद्देश्यले विद्यालयमा सचेतना कार्यक्रम सञ्चालन गरिएको नेपाल विद्युत प्राधिकरण डडेल्धुरा वितरण केन्द्रले जनाएको छ। कार्यक्रममा काक्षा ९ देखिका लगभग  ४ सय ५० बिद्यार्थिहरुको सहभागिता रहेको थियो ।
 

डडेल्धुरामा हरिओम र निरजको जोडीलाई ब्याडमिन्टनको उपाधि

डडेल्धुरा : डडेल्धुरामा आयोजित जिल्लास्तरीय खुला पुरुष डबल्स ब्याडमिन्टन प्रतियोगिताको उपाधि हरिओम केसी र निरज मल्लको जोडीले जितेको छ। आइतबार

डडेल्धुरामा मैत्रीपूर्ण ब्याडमिन्टन प्रतियोगिता, आठ टिम क्वाटरफाइनलमा

डडेल्धुरा, २७ भदौ : डडेल्धुरामा मैत्रीपूर्ण ब्याडमिन्टन प्रतियोगिता सुरुभएको छ । शनिबारदेखि सञ्चालन भइरहेको मैत्रीपूर्ण ब्याडमिन्टन प्रतियोगिताको

निसर्ग हस्पिटलमा जेनजी शहीदको सम्झनामा दीप प्रज्वलन, परिवारलाई ३ लाख ५१ हजार सहयोग

धनगढीः जेनजी आन्दोलनका क्रममा ज्यान गुमाएका शहीदहरूको सम्झनामा निसर्ग हस्पिटल एण्ड रिसर्च सेन्टरले दीप प्रज्वलन गरेको छ। हस्पिटल परिसरमा आयोजित