डडेल्धुराका सबै स्थानीय तह बैंकिङ पहुचमा जोडिदै ।।

प्रदेश नं. ७ को भौगोलिक केन्द्र विन्दु मानिने डडेल्धुरा जिल्लाका सबैजसो स्थानीय तहमा बैंकिङ सुविधा विस्तार हुने भएपछि स्थानीयवासीलाई आर्थिक कारोबारका लागि सहज हुने भएको छ ।
स्थानीय तह कार्यान्वयनमा आए पनि बैंकिङ सेवा नहुँदा सदरमुकाम धाउनुपर्ने अहिलेको अवस्थामा क्रमशः स्थानीय तहमै बैंकिङ सेवा विस्तार हुन थालेपछि सहजता आउने स्थानीय बासिन्दाहरुको विश्वास छ । ७ ओटा स्थानीय तह रहेको डडेल्धुरा जिल्लामा सदरमुकाम रहेको अमरगढी नगरपालिका र भित्रिमधेस क्षेत्रको केन्द्रविन्दु मानिने परशुराम नगरपालिकामा मात्र केन्द्रित बैंकहरू पछिल्लो समय जिल्लाका अन्य ५ गाँउपालिकामा पनि विस्तार हुने क्रम शुरु भएको छ । 
स्थानीय तह कार्यान्वयनमा आएसँगै जिल्लाको आलिताल गाउँपालिकामा नविल बैंकले शाखा सञ्चालनका लागि अन्तिम तयारी गरेको छ । बैंकले शाखा सञ्चालनका लागि घर भाडामा ल्याएर कार्यालय प्रयोजनका लागि मर्मत सम्भार समेत गरिसकेको र इन्टरनेट सेवा सुचारु भएसँगै आलितालमा बैंकिङ सेवा सुचारु हुने आलिताल गाँउपालिकाका अध्यक्ष बलबहादुर गुरुङले बताए । 
जिल्लाको पश्चिमी क्षेत्रमा पर्ने भागेश्वर गाउँपालिकामा पनि बैंक सञ्चालनका लागि तयारी भईरहेको भागेश्वर गाँउपालिकाका प्रमुख प्रशासकीय अधिकृत खगेन्द्र भारतीले बताए । अजयमेरु गाँउपालिका, गन्यापधुरा गाँउपालिका र नवदुर्गा गाँउपालिकामा पनि बिभिन्न निजी क्षेत्रका बैंकहरुले शाखा सञ्चालनका लागि तयारी गरिरहेका छन । 
स्थानीय तहमै बैंक स्थापना भएपछि कर्मचारीको तलब, विकास निर्माणको भुक्तानी, सामाजिक सुरक्षा भत्ता लगायतका लागि सदरमुकाम धाउनुपर्ने बाध्यता हट्ने अजयमेरु गाउँपालिकाका अध्यक्ष उमेशप्रसाद भट्टले बताए । 
गन्यापधुरा गाँउपालिकामा एभरेस्ट बैंकले शाखा सञ्चालन गर्ने तयारी गरिरहेको छ भने नवदुर्गा गाँउपालिकामा मेघा बैंकले शाखा सञ्चालनको तयारी थालेको नवदुर्गा गाँउपालिकाका अध्यक्ष कबिन्द्र बिष्टले जानकारी दिए । 
दुई नगरपालिका र पाँच गाउँपालिका रहेको जिल्लाका ५ ओटै गाँउपालिकामा एक साता भित्रै बिभिन्न बैंकका शाखाहरु सञ्चालनमा आउने जिल्ला समन्वय समिति डडेल्धुराका प्रमुख गणेशराज भट्टले बताए । 
ग्रामीण क्षेत्रमा बैंक जानथालेपछि स्थानीय बासिन्दाहरुलाई आर्थिक कारोबारका लागि सहज हुने मात्रै नभई स्थानीय स्तरमा आर्थिक विकास र समृद्र्धीका लागि पनि बैंक स्थापना हुनु उपलब्धीमुलक हुने नेपाली काँग्रेस डडेल्धुराका सभापति तथा प्रदेश सभा सदस्य कर्णबहादुर मल्लले बताए ।
 

बैतडीमा २ सय ३३ हतियार प्रशासनको जिम्मा ।।

बैतडीमा २ सय ३३ थान हातहतियार प्रशासनलाई बुुझाइएको छ । इजाजत प्राप्त हातहतियार पनि स्थानीय निर्वाचन अवधिभरका लागि स्थानीय प्रशासन तथा प्रहरीमा

दार्चुलामा यार्सा सङ्कलन अनुमतिपत्र वितरण सुरु ।।

यार्सागुम्बा सङ्कलन गर्न सुदूरपश्चिमको पहाडी जिल्ला दार्चुलामा बुधबारदेखि अपिनाम्पा संरक्षण क्षेत्र कार्यालयले यार्सा सङ्कलन अनुमतिपत्र दिन

निजी विद्यालय संचालकको आन्दोलन फिर्ता, आजदेखि विद्यालयमा पठनपाठन सुरु ।।

नयाँ शुल्क निर्धारण गरिएपछि निजि विद्यालय संचालकहरुले आफ्नो आन्दोलन फिर्ता लिएका छन् । सहमतिसंगै आजदेखि बन्द रहेका निजि विद्यालय सुचारु हुने भएका

पञ्चदेवल विनायक नगरपालीकाले नगरको सर्बोत्तम विकासका लागी अग्रसरता देखायो ।।

अछामको पञ्चदेवल विनायक नगरपालीकाले नगरको सर्बोत्तम विकासका लागी अग्रसरता देखाएको छ । नगरपालीका ले नगर भित्रको फोहोर व्यबस्थापन, घरेलु मदिरा