कहालिलाग्दो महाभूकम्पको सम्झनाः कस्तो छ पीडितको अवस्था ?(हेर्नुहोस भिडियो)

काठमाडौं, बैशाख १२ । आज वैशाख १२ गते । तीन वर्ष अगाडि आजैका दिन गोरखाको बारपाकमा केन्द्रविन्दु भएर विनाशकारी भूकम्प गएको थियो ।

त्यो त्रासदीपूर्ण भूकम्पले गुमेको जीवन त फर्किन संभव थिएन तर भौतिक क्षतिको पुननिर्माणसमेत हुन नसक्दा पीडितको आँशु अझै थामिन सकेको छैन ।

२०७२ साल वैशाख १२ गते मध्याह्न ११ बजेर ५६ मिनेटको समयमा गोरखाको बारपाक केन्द्र विन्दु भएर गएको ७ दशमलव ६ म्याग्निच्यूडको भूकम्पले सारा नेपालीलाई मर्माहत तुल्याएको थियो ।

१९९० सालको महाभूकम्पपछिको ठूलो मानिएको यस भूकम्प र त्यसपछिका पराकम्पबाट १४ अति प्रभावितसहित ३१ जिल्ला प्रत्यक्ष प्रभावित भए ।

भूकम्पमा परी ८ हजार ७९० जनाले ज्यान गुमाए भने २२ हजार ३०० घाइते भए ।

चार लाख ९८ हजार ८५२ निजी घर र २ हजार ६५६ सरकारी भवन पूर्णरुपले ध्वस्त भए । दुई लाख ५६ हजार ६९७ निजी भवन र ३ हजार ६२२ सरकारी भवन आंशिक रुपमा क्षतिग्रस्त बने ।

विद्यालयका १९ हजारभन्दा बढी कक्षा कोठा पूर्णरुपमा ध्वस्त हुँदा ११ हजारभन्दा बढी कक्षा कोठा आंशिक रुपमा क्षति भए ।

भूकम्पीय जोखिमका दृष्टिले संसारकै उच्च खतरामा रहेको थाहा हुँदाहुँदै पनि आफ्नै बेवास्ताका कारण एकाएक परेको बज्रपातबाट मुलुकको समग्र राष्ट्रिय अर्थतन्त्रमै नराम्रो असर प¥यो ।

भूकम्पबाट क्षति भएका पूर्वाधारको पुनर्निर्माण गर्न ६ खर्ब ६९ अर्बको बजेट आवश्यक पर्ने प्रारम्भिक अनुमान गरिएको थियो ।

महाविपत्तिबाट परेको प्रभावको सामना गर्न राहत, पुनर्निर्माण र पुनस्र्थापनालाई अघि बढाउन २०७२ बैशाख ३० मै संसदले संकल्प प्रस्ताव हुँदै ऐन बनाएपनि प्रभावकारी काम हुन अझै सकेको छैन ।

पुननिर्माण प्राधिकरणका अनुसार, ३ बर्षको यस अवधिमा १ लाख १९ हजार २ सय ३३ वटा घर पुननिर्माण भएका छन् भने बन्दै गरेको घरको संख्या ४ लाख ३० हजार ४ सय ३३ रहेको छ ।

यद्यपी निजी घर मात्र हैन, सार्वजनिक भवन, सम्पदास्थल र अन्य संरचनाको पुननिर्माणले पनि गति लिन सकेको छैन ।

भूकम्पको मार ब्यहोरेका जनताले कछुवा गतिको कार्यशैलीकै कारण अतिसाध्य वर्षात्, कठ्याँग्रिदो ठिही र प्रचण्ड गर्मीको मौसम बेचैनीका साथ गुजार्नुपर्‍यो पछिल्लो तीन बर्षसम्म ।

फेरि पनि अर्को वर्षात्को समय नजिकिँदै छ । तर, त्यही नियति दोहोरिने अवस्था कायमै छ । यसप्रति सरकार, पुननिर्माण प्राधिकरण र सरोकारवाला सबैले गम्भीर ध्यान जान जरुरी छ ।

 

 

युएईबाट कुवेत पुर्‍याउन लागिएका ३२ महिलाको उद्धार ।।

भारतको बाटो भएर युएई पुगेका ३२ महिलाको उद्धार गरिएको छ । रोजगारीका लागि पुगेका नेपाली महिलासँग आवश्यक कागजात नभएपछि त्यहाँको अध्यागमनले फिर्ता

द्वन्द्व व्यवस्थापन नहुँदा आत्महत्या बढ्दै ।।

सशस्त्र द्वन्द्वमा सबैभन्दा बढी प्रभावित जिल्ला रोल्पामा पछिल्ला वर्षमा आत्महत्याको दर बढ्दै गएको देखिएको छ ।  जिल्ला स्वास्थ्य कार्यालय

साउदीमा जेल परेका आफन्त फर्काउन म्यानपावरले सहयोग नगरेको परिवारको आरोप ।।

जेलमा रहेका आफन्तलाई फर्काउन म्यानपावरले सहयोग नगरेको परिवारले आरोप लगायका छन । दुई वर्ष अघि एनएसओ कन्सल्ट प्रालि म्यानपावरबाट साउदी गएका कैलालीका

‘भक्तपुरमा सुरक्षा व्यवस्था कडा’

यही वैशाख ३१ गते हुने स्थानीय तह निर्वाचनका लागि भक्तपुरमा सुरक्षा व्यवस्था कडा पारिएको छ । भक्तपुरका प्रमुख जिल्ला अधिकारी दोर्ण पोखरेलले स्थानीय