पर्खनुहोस वेबसाईट खुल्ने क्रममा छ।

शपथ समारोहमा मेयर र उपमेयरले मर्यादाक्रम उल्लंघन गरेको भन्दै सांसदहरु रुष्ट

आइतबार विराटनगरको बीरेन्द्र सभागृहमा भएको शपथ ग्रहण समारोहपछि राती कांग्रेसबाट निर्वाचित प्रदेश सांसद केदार कार्कीले सबै सांसदलाई रात्रीभोज दिनुभयो । 

रात्रीभोजमा व्यवसायी र सांसद बाहेकका अरु व्यक्तिलाई पनि बोलाइएको थियो । दिनभर शपथ ग्रहणमा व्यस्त सांसदहरु रात्रीभोजमा दिउँसोकै कार्यक्रमको बारेमा गफ गर्दै थिए । पहिलो पटक प्रदेशसभा बसेकोेले पनि केही प्राविधिक समस्याहरु देखिनुलाई उनीहरुले स्वभाविक लिएका थिए । 

तर शपथ ग्रहण स्थलमा प्रतिनिधिसभाका सांसदलाई दर्शक दीर्घामा राखेर विराटनगरका मेयर भीम पराजुली र उपमेयर इन्दिरा कार्कीलाई मञ्चमा राखिएकोमा उनीहरुले आपत्ति जनाए ।  मेयरले गभर्नरको हैसियतमा आफूलाई राखेको भन्दै सांसदहरुले आरोप लगाए । 

कार्यक्रम सुरु हुनु पहिले मञ्चमा गएर बसेका मेयर पराजुली र उपमेयर कार्कीले आफ्नो मर्यादा कायम नगरेको सांसदहरुको आरोप छ ।

नेकपा एमालेका केन्द्रीय सदस्य तथा प्रदेश सांसद जीवन घिमिरेले भन्नुभयो, ‘मर्यादाक्रमले नमिल्ने काम भएको हो । कसैले पनि राम्रो भनेका छैनन् । एउटा व्यवस्थापकको रुपमा उहाँहरुको भूमिका सकारात्मक छ, तर प्रदेश प्रमुख सरहको हैसियतमा बस्न मिल्दैनथ्यो । ’

शपथ समारोहमा प्रदेशका प्रतिनिधिसभामा निर्वाचित सांसदहरुलाई पनि निम्त्याइएको थियो । मोरङका मात्र हैन, बाहिरी जिल्लाका प्रतिनिधिसभाका सांसद र पूर्वमन्त्रीहरु कार्यक्रममा थिए । ‘उनीहरुलाई मञ्चमा राखिएन, मेयर उपमेयरलाई किन मञ्चमा राखियो रु’ सोलुखुम्बुका एक सांसदले प्रश्न गर्दैथिए ।

सरकारले तय गरेको मर्यादाक्रममा सांसदहरु १२ औं स्थानमा हुन्छन् भने महानगरका मेयर १८ औं स्थानमा छन् ।
प्रदेश सांसद विजय बिस्वाशले प्रदेशससभा सदस्यको शपथजस्तो ऐतिहासिक कार्यक्रममा मर्यादा उल्लंघन गर्ने काम महानगरका प्रमुख र उपप्रमुखले गरेको बताउनुभयो ।

मुलुक संविधान कार्यान्वयनमा अघि बढेको प्रचण्डको भनाई ।। 

प्रधानमन्त्री पुष्पकमल दाहाल प्रचण्डले स्थानीय तहको निर्वाचन प्रक्रिया सुरु भएसँगै संविधान कार्यान्वयनमा मुलुक अघि बढेको बताउनुभएको छ । राष्ट्रिय

चुनाव पछि संविधान संसोधन नभए आन्दोलन गर्ने यादवको चेतावनी ।। 

संघीय समाजवादी फोरम नेपालका अध्यक्ष उपेन्द्र यादवले पहिलो चरणको स्थानीय तहको निर्वाचनपछि पनि संविधान संशोधन नभए आफूहरु सडकमा जाने चेतावनी दिनुभएको

लमजुङमा एमाले र माओवादी केन्द्रका उम्मेद्वार निर्विरोध ।।

लमजुङका केही स्थान तहमा निर्विरोध भएको छ । नेकपा एमाले र नेकपा माओवादी केन्द्रका उम्मेद्वार केही स्थानीय तहमा निर्विरोध चयन भएका हुन् । चुनावमा

विमलेन्द्र निधिद्वारा राजीनामा फिर्ता, अब जिम्मेवारीमा फर्किने ।।

उपप्रधानमन्त्री तथा गृह मन्त्रीबाट राजीनामा दिएका विमलेन्द्र निधिले राजीनामा फिर्ता लिनुभएको छ । पार्टी सभापति शेरबहादुर देउवा र प्रधानमन्त्री