पर्खनुहोस वेबसाईट खुल्ने क्रममा छ।

पहिलो चरणको निर्वाचन : यी क्षेत्रमा हुँदैछ शीर्ष नेताहरुबीच रोचक भिडन्त

काठमाडौं, कात्तिक ५ । मंसिर १० गते हुने पहिलो चरणको प्रतिनिधि सभा निर्वाचनले केही राष्ट्रियस्तरका नेताहरुको भाग्य फैसला गर्दैछ ।

नेपाली कांग्रेस, नेकपा एमाले, माओवादी केन्द्र, राप्रपा र नयाँ शक्ति नेपालका केही शीर्ष नेता यस निर्वाचनमा प्रतिष्पर्धा गर्दैछन् । मूख्यगरी यस चरणमा नुवाकोट, गोर्खा, ताप्लेजुङ, सिन्धुपाल्चोक, लमजुङ, रोल्पा, रुकुम, जाजरकोटमा राष्ट्रिय राजनीतिमा पहिचान बनाएका नेताहरु चुनावमा प्रतिष्पर्धा गर्दैछन् ।

नेपाली कांग्रेसबाट संसदीय समितिका सदस्य एवं राष्ट्रिय राजनीतिमा प्रभावशाली नेता अर्जुननरसिंह केसी र डा. रामशरण महत नुवाकोट जिल्लाबाट चुनावमा होमिएका छन् ।

नुवाकोट–१ बाट मैदानमा उत्रिएका डा. महतलाई माओवादी केन्द्रका हितबहादुर तामाङले बलियो चुनौती दिँदैछन् भने नुवाकोट–२ बाट प्रतिष्पर्धामा रहेका केसीसँग प्रतिष्पर्धा गर्दै एमालेका स्थानीय नेता नारायण खतिवडा मैदानमा उत्रिएका छन् ।

यसअघि २०७० को संविधानसभा निर्वाचनमा केसी र महत दुबै निर्वाचित भएका थिए ।

गोर्खा–१ बाट कांग्रेस प्रमुख सचेतक चिनकाजी श्रेष्ठलाई माआवादी केन्द्रका हरि अधिकारी र लमजुङमा दिलबहादुर घर्तीलाई माओवादी केन्द्रकै नेता देव गुरुङले चुनौती पेश गर्दैछन् ।

एमालेतर्फ पहिलो चरणमा केन्द्रीय स्तरका नेता योगेश भट्टराई ताप्लेजुङबाट प्रतिष्पर्धा गर्दैछन् । उनलाई रोक्न कांग्रेसले केशव दाहाललाई उतारेको छ । यसअघि भट्टराई काठमाडौँ–६ बाट दुई पटक पराजित भएका थिए ।

अर्को रोचक भिडन्त भने गोरखा–२ मा हुने भएको छ । कुनै समय एउटै दलमा रहेका दुई नेता डा. बाबुराम भट्टराई र नारायणकाजी श्रेष्ठ एउटै क्षेत्रमा चुनाव लड्दैछन् ।

यसपटक कांग्रेसको समर्थन लिएर भट्टराई नयाँ शक्तिबाट तथा एमालेको समर्थनमा श्रेष्ठ माओवादी केन्द्रबाट मैदानमा होमिएका छन् । भट्टराईले यसअघि गोर्खाबाटै चुनाव जितेका थिए भने श्रेष्ठ मकवानपुरबाट पराजित भएका थिए ।

रोल्पामा माओवादी नेता वर्षमान पुनलाई कांग्रेसका अमर पुन र रुकुम पश्चिममा जनार्दन शर्मालाई कांग्रेसका वीरबहादुर ओलीले चुनौती दिनछन् । यद्यपि, यी दुबै क्षेत्र माओवादीका लागि सुरक्षित झै मानिएको छ ।

जाजरकोटमा भने पूर्व गृहमन्त्री शक्ति बस्नेतलाई कांग्रेसका राजीवविक्रम शाहले चुनौती दिँदैछन् ।

यता, सिन्धुपाल्चोकले राप्रपा प्रजातान्त्रिकका अध्यक्ष पशुपतिशमशेर राणा र माओवादी केन्द्रका अग्नि सापकोटाको भाग्य फैसला गर्दैछ । राणालाई एमालेका शेरबहादुर तामाङ तथा सापकोटालाई कांग्रेसका मोहनबहादुर बस्नेतले चुनौती दिँदैछन् ।

०४८ सालमा चुनाव जितेका राणा ०६४ र ०७० को निर्वाचनमा पराजित भएका थिए । तामाङ ०७० मा सोही क्षेत्रबाट विजयी भएका थिए । सापकोटा र बस्नेतले भने तीन क्षेत्र रहँदा २०७० को निर्वाचनमा दुबैले जितेका थिए । बस्नेत बहालवाला सञ्चार मन्त्री हुन् ।

मुलुक संविधान कार्यान्वयनमा अघि बढेको प्रचण्डको भनाई ।। 

प्रधानमन्त्री पुष्पकमल दाहाल प्रचण्डले स्थानीय तहको निर्वाचन प्रक्रिया सुरु भएसँगै संविधान कार्यान्वयनमा मुलुक अघि बढेको बताउनुभएको छ । राष्ट्रिय

चुनाव पछि संविधान संसोधन नभए आन्दोलन गर्ने यादवको चेतावनी ।। 

संघीय समाजवादी फोरम नेपालका अध्यक्ष उपेन्द्र यादवले पहिलो चरणको स्थानीय तहको निर्वाचनपछि पनि संविधान संशोधन नभए आफूहरु सडकमा जाने चेतावनी दिनुभएको

लमजुङमा एमाले र माओवादी केन्द्रका उम्मेद्वार निर्विरोध ।।

लमजुङका केही स्थान तहमा निर्विरोध भएको छ । नेकपा एमाले र नेकपा माओवादी केन्द्रका उम्मेद्वार केही स्थानीय तहमा निर्विरोध चयन भएका हुन् । चुनावमा

विमलेन्द्र निधिद्वारा राजीनामा फिर्ता, अब जिम्मेवारीमा फर्किने ।।

उपप्रधानमन्त्री तथा गृह मन्त्रीबाट राजीनामा दिएका विमलेन्द्र निधिले राजीनामा फिर्ता लिनुभएको छ । पार्टी सभापति शेरबहादुर देउवा र प्रधानमन्त्री