नेकपाको एकताको बाँकी काम टुंगो लाग्न अझै केही समय लाग्ने

नेपाल कम्युनिस्ट पार्टी (नेकपा) को एकताको बाँकी काम टुंगो लगाउन अझै केही दिन लाग्ने भएको छ ।

नेकपा स्थायी कमिटीको बैठकले एकताको बाँकी काम टुंगो लगाउने गरी सुझाव दिन गठित कार्यदलले काम नसकेकाले तल्लो तहको एकीकरण प्रक्रियामा ढिलाई हुने भएको हो । 

तत्कालीन नेकपा एमाले र नेकपा माओवादी केन्द्रबीच पार्टी एकता भएको आठ महिना वितिसक्दा पनि पूर्ण सांगठनिक एकता हुन सकेको छैन । जसका कारण तल्लो तहमा दुवै पार्टीका संगठनहरुले काम गरिरहेका छन् ।

संगठनात्मक एकताबारे गृहकार्य गर्न नेकपा स्थायी कमिटीको बैठकले महासचिव विष्णुप्रसाद पौडेलको संयोजकत्वमा रामबहादुर थापा, शंकर पोखरेल, वर्षमान पुन, योगेश भट्टराई, सुरेन्द्रप्रसाद पाण्डे, बेदुराम भुसाल र लेखराज भट्ट रहेको कार्यदल गठन गरेको थियो । कार्यदललाई पुस मसान्तसम्म एकताको खाका तयार पार्ने जिम्मेवारी दिइएको थियो ।

तर कार्यदलले अहिलेसम्म पनि एकताको स्पष्ट खाका तयार पार्न सकेको छैन । कार्यदलले दिएको सुझावलाई स्थायी कमिटीमा छलफल गरी त्यसका आधारमा तल्लो तहको एकताको काम टुंगो लगाइने भए पनि प्रतिवेदन तयार नहुँदा केही समय लाग्ने देखिएको छ ।

कार्यदलका सदस्य योगेश भट्टराईले सुझावहरु संकलन भइरहेकाले आफूहरुले चाँडै प्रतिवेदन दिने बताए ।

गत जेठमा एकीकरण भए पनि नेकपामा हालसम्म केन्द्रीय सचिवालय, केन्द्रीय समिति, स्थायी समिति र प्रदेश समिति मात्र बनेका छन् ।

पोलिटब्यूरो र केन्द्रीय विभागसमेत बनेका छैनन् । त्यसले नेताहरुले काम र जिम्मेवारी नपाएको गुनासो गर्दै आएका छन् ।

त्यसैगरी जिल्ला र त्यो भन्दा तल्लो स्तरका कमिटीसमेत बनेका छैनन् । अधिकांश भ्रातृ संगठनको समेत एकता हुन नसक्दा ती संगठनले पनि प्रभावकारी काम गर्न सकेका छैनन् ।

मुलुक संविधान कार्यान्वयनमा अघि बढेको प्रचण्डको भनाई ।। 

प्रधानमन्त्री पुष्पकमल दाहाल प्रचण्डले स्थानीय तहको निर्वाचन प्रक्रिया सुरु भएसँगै संविधान कार्यान्वयनमा मुलुक अघि बढेको बताउनुभएको छ । राष्ट्रिय

चुनाव पछि संविधान संसोधन नभए आन्दोलन गर्ने यादवको चेतावनी ।। 

संघीय समाजवादी फोरम नेपालका अध्यक्ष उपेन्द्र यादवले पहिलो चरणको स्थानीय तहको निर्वाचनपछि पनि संविधान संशोधन नभए आफूहरु सडकमा जाने चेतावनी दिनुभएको

लमजुङमा एमाले र माओवादी केन्द्रका उम्मेद्वार निर्विरोध ।।

लमजुङका केही स्थान तहमा निर्विरोध भएको छ । नेकपा एमाले र नेकपा माओवादी केन्द्रका उम्मेद्वार केही स्थानीय तहमा निर्विरोध चयन भएका हुन् । चुनावमा

विमलेन्द्र निधिद्वारा राजीनामा फिर्ता, अब जिम्मेवारीमा फर्किने ।।

उपप्रधानमन्त्री तथा गृह मन्त्रीबाट राजीनामा दिएका विमलेन्द्र निधिले राजीनामा फिर्ता लिनुभएको छ । पार्टी सभापति शेरबहादुर देउवा र प्रधानमन्त्री