कांग्रेस नेताहरुबीचको किचलो उस्तै, केन्द्रीय समितिको बैठक बोलाउन दबाब

नेपाली कांग्रेसको विधान टुंग्याउन भइरहेको ढिलाइले महासमितिको बैठक नै प्रभावित हुने आशंका बढिरहेका बेला तत्काल केन्द्रीय समितिको बैठक बोलाउन नेतृत्वमाथि दबाब बढेको छ ।

विधानलाई अन्तिम रुप दिएर महासमितिको बैठक सुनिश्चित गर्न कांग्रेस नेतृत्वमाथि दबाब बढेको हो ।

नेपाल विद्यार्थी संघमा उमेर हद तोक्दा नेताहरुबीच विवाद बढेपछि पछिल्लो पटक बोलाइएको कांग्रेस केन्द्रीय समिति बैठक बस्दै नबसी स्थगित भएको थियो ।

अहिले पनि शीर्ष नेताहरुबीच यो विषयमा सहमति जुट्न सकेको छैन ।

बरिष्ठ नेता रामचन्द्र पौडेल पक्षधरले केन्द्रीय समिति बैठक नै बहिस्कार गर्ने चेतावनी दिएपछि स्थगित बैठक बोलाउन अब थप ढिलाई भए महासमिति नै प्रभावित हुने देखिएको छ ।

कांग्रेसले महासमिति बैठक मंसिर ५ देखि काठमाडौंमा गर्ने तय गरेको छ ।

महासमितिको मुख्य एजेन्डाको रुपमा रहेको विधान अझै मस्यौदा समितिले टुंग्याउन सकेको छैन ।

पार्टी विधान नटुंगिएकाले केन्द्रीय समिति बैठक नबोलाइएको बताइएको छ । समितिमा नै विधानको बारेमा एक मत छैन ।

सभापतिलाई दिने अधिकार, पदाधिकारी चयन प्रक्रिया, महाधिवेशन प्रतिनिधिको प्रतिनिधित्व लगायतका विषय टुंगो लाग्न बाँकी छ ।

केन्द्रीय सदस्य दिपक गिरी महासमिति बैठक प्रभावित नहुने गरी तत्काल केन्द्रीय समिति बैठक बोलाउनुपर्ने बताउँछन् ।

कांग्रेसले महासमितिमा पेश गर्ने प्रतिवेदनको तयारीका लागि विभिन्न समिति बनाएर काम गराइरहेको छ ।

केन्द्रीय सदस्य सुरेन्द्र पाण्डे विधान मस्यौदा समितिले विधानलाई अन्तिम रुप दिएपछि केन्द्रीय समिति बैठक बस्ने बताउँछन् ।

केन्द्रीय समितिको बैठक बस्नुअघि विधान मस्यौदामा देखिएका विवाद समाधान गर्नुपर्ने हुन्छ ।

त्यसका लागि शीर्ष नेताहरुबीच अहिलेसम्म ठोस छलफल भएको देखिँदैन ।

यसले कांग्रेसको महासमितिको बैठक नै प्रभावित हुने सम्भावनालाई समेत नकार्न सकिँदैन 

मुलुक संविधान कार्यान्वयनमा अघि बढेको प्रचण्डको भनाई ।। 

प्रधानमन्त्री पुष्पकमल दाहाल प्रचण्डले स्थानीय तहको निर्वाचन प्रक्रिया सुरु भएसँगै संविधान कार्यान्वयनमा मुलुक अघि बढेको बताउनुभएको छ । राष्ट्रिय

चुनाव पछि संविधान संसोधन नभए आन्दोलन गर्ने यादवको चेतावनी ।। 

संघीय समाजवादी फोरम नेपालका अध्यक्ष उपेन्द्र यादवले पहिलो चरणको स्थानीय तहको निर्वाचनपछि पनि संविधान संशोधन नभए आफूहरु सडकमा जाने चेतावनी दिनुभएको

लमजुङमा एमाले र माओवादी केन्द्रका उम्मेद्वार निर्विरोध ।।

लमजुङका केही स्थान तहमा निर्विरोध भएको छ । नेकपा एमाले र नेकपा माओवादी केन्द्रका उम्मेद्वार केही स्थानीय तहमा निर्विरोध चयन भएका हुन् । चुनावमा

विमलेन्द्र निधिद्वारा राजीनामा फिर्ता, अब जिम्मेवारीमा फर्किने ।।

उपप्रधानमन्त्री तथा गृह मन्त्रीबाट राजीनामा दिएका विमलेन्द्र निधिले राजीनामा फिर्ता लिनुभएको छ । पार्टी सभापति शेरबहादुर देउवा र प्रधानमन्त्री