कप्तान विराज कीर्तिमान नजिक

२०७५ भदौ २१

२१ भदौ, बंगलादेश । यतिबेला नेपाली फुटबल टिम बंगलादेशको राजधानी ढाकामा साफ सुजुकी कप फुटबलमा ब्यस्त छ । यही नेपाली टिमको कप्तानी भूमिका निर्वाह गरिरहेका कप्तान विराज महर्जन कीर्तिमानी रेकर्ड नजिक छन् ।

विराज महर्जन यो अर्थमा पनि कीर्तिमान नजिक छन् की उनले यसअघि राजुकाजी शाक्यले बनाएको सर्वाधिक ६८ क्याप बराबरी गरेका छन् । बंगलादेशमा जारी साफ सुजुकी कप फुटबलमा उनी भुटानविरुद्ध मैदानमा छिर्दै नेपाली फुटबल इतिहासमा सर्वाधिक क्याप जित्ने खेलाडी बन्ने तरखरमा छन् ।

अहिले कप्तान विराजले ६८ क्याप जितेका छन् । अब भुटानसँगको खेलमा उनको ६९ औं क्याप हुनेछ । यो नेपाली फुटबल खेलाडीको सबैभन्दा बढी क्याप हो ।

विराज एन्फा एकेडेमीका दोस्रो ब्याजका खेलाडी हुन् । विभिन्न उमेर समूह पार गर्दै सन् २००८ मा राष्ट्रिय टिमबाट डेब्यू गरेका विराज अहिलेसम्म नेपाली फुटबलमा विराजमान छन् । २००८ मा पोखरामा भएको पाकिस्तानविरुद्धको खेलमा अन्जान केसीको स्थानमा खेलको ८९ औं मिनेटमा मैदानमा छिर्दै डेब्यू गरेका थिए । जुन खेलमा नेपालले पाकिस्तानलाई २-१ ले पराजित गरेको थियो ।

सेफ ल्यान्डिङको तयारी

विराज सम्भवतः सबैभन्दा छिटो गोल गर्ने नेपाली खेलाडी हुन् । सन् २००९, मार्च २८ तारिखमा दशरथ रंगशालामा भएको खेलमा ७७ सेकेन्डमा विराजले गोल गरेका थिए ।

ब्राजिलका रोबर्ट कार्लोसलाई आफ्नो आइडल खेलाडी मान्ने विराज आफ्नो कीर्तिमानी क्यापबारे यसो भन्छन्, ‘आफ्नो देशको लागि खेल्न पाउनु, यो मेरो लागि गौरवको कुरा हो । कसैले चाहेर पनि यस्तो मौका पाउँदैन । समर्थक, प्रशिक्षक सबैको मायाले म यहाँसम्म आइपुगेको छु ।’

त्यसो त, आफूले फुटबललाई नै लिएर सेफ ल्यान्डिङमा रहेको विराज बताउँछन् । ‘आफुले राम्रो गर्दागर्दै पनि राम्रा भाइरू आउँछन् भने मैले स्थान दिनै पर्छ । अब चाहिँ मैले पनि विचार गर्नु पर्छ । शरिरले साथ दिएसम्म खेल्नेछु । फुटबललाई नै लिएर सेफ ल्यान्डिङको तयारीमा छु ।’

सफल कप्तान

विराज महर्जन नेपाली फुटबलका सफल कप्तान हुन् । उनकै कप्तानीमा नेपालले ३ वटा महत्वपूर्ण प्रतियोगिताको उपाधि उचालेको थियो । बंगबन्धु गोल्डकपको उपाधि दिलाएका विराजले सन् २०१६ मा साग गेम्समा नेपाललाई गोल्ड मेडल दिलाएका थिए ।

त्यस्तै, नेपालले एएफ्सी सोलिडारिटी कपको उपाधि जित्दा पनि विराज कप्तानकै भूमिकामा थिए ।

२०१५ मा भारतमा सम्पन्न साफ च्याम्पियनसिपदेखि नेपालको कप्तानी सम्हालेका विराजले आफ्नै कप्तानीमा १५ खेल खेलेका छन् ।

अत्तरीया कप महिला क्रिकेट प्रतियोगिता बिहीबारदेखि

कैलालीको अत्तरीयामा बिहीबारदेखि अत्तरीया कप महिला क्रिकेट प्रतियोगिता सुरु हुँदैछ । ट्वेण्टी–ट्वेण्टी संरचनामा खेलाइने प्रतियोगितामा ६ टिमले

दोश्रो राष्ट्रब्यापी शारिरीक सुगठन स्थगित ।।

दोश्रो राष्ट्रव्यापी शारिरीक सुगठन च्याम्पियनसिप स्थगित भएको छ । बैशाख ३० गते आयोजना गर्ने भनिएको च्याम्पियनसिप स्थानिय चुनाव बैशाख ३१ गते गर्ने

मेस्सी, नेइमार र स्वारेजका कारण बार्सिलोना गएनन् गामेइरो

एथ्लेटिको मड्रिडका स्ट्राइकर केविन गामेइरोले बार्सिलोनामा अनुबन्ध हुने मौकाबाट आफू पछि हटेको बताएका छन् । बार्सिलोनाका फ्रन्ट लाइनका तीन खेलाडी

रुस्लान अत्तरीया कप २०७४ अन्तर्गत आज विभागीय टोली एपिएफ सेमिफाईनलमा प्रवेश ।।

कैलालीको अत्तरीयामा जारी देशकै सर्वाधिक धनराशीको राष्ट्रिय महिला रुस्लान अत्तरीया कपमा लगातार दोस्रो जितपछि विभागीय टोली एपिएफ सेमिफाईनलमा प्रवेश